યાદ આવે છે ” બાળપણ”

એ બાળપણ ના મિત્રો, ને એ બાળપણ ની રમત,
એ બાળપણ નુ ચોમાસુ, ને એ બાળપણ ની લડત,
એ ઝાડ પર ચઢવાનુ , ને એ વરસાદ મા નહાવાનુ,
એક નાની સરખી જીદ માટે પણ, કલાકો રડવાનુ,
એ હાળી ના રંગો, ને એ ઉત્તરાયણ ની રમઝટ,
લેશન કરવાની એ રોજ-રોજ ની ખટપટ,
મમ્મી સામે રડવાનુ, ને એ સ્કુલે નહી જવાનુ,
રજા ચીઠ્ઠી નો લઈ આશરો,એ બહાનુ દઈ દેવાનુ,
એ પરીક્ષા નો સમય, ને એ  I.M.P  માટે ફરવાનુ,
મહેનત નહી કરવાની, ને એ પ્રગતિપત્રક થી ડરવાનુ,
બાળપણ નો એ સમય ખરેખર નિર્દોષ હતો,
કે જ્યારે “મેહુલ” જાહેરમા પણ રડી લેતો.

-મેહુલ